Aqmola oblysynda meshittiń qazandyǵy jaryldy
KÓKShETAÝ. KAZINFORM - Aqmola oblysynyń Qorǵaljyn aýdanynda meshitte jylytý qazandyǵy jarylyp, bir adam zardap shekti.
Tótenshe jaǵdaı 2 aqpanda Sabyndy aýylyndaǵy meshitte bolǵan.
Aldyna ala málimet boıynsha, meshittiń jylytý qazandyǵy jarylǵan. Saldarynan 1971 jylǵy otjaǵýshy «qoldarynyń termııalyq kúıigi» dıagnozymen aýrhanaǵa jatqyzyldy.
Aqmola oblystyq Tótenshe jaǵdaılar departamentinen oqıǵanyń mán-jaıy anyqtalyp jatqandyǵyn, keıin tolyq málimet beriletinin aıtyp túsindirdi.
«Oqıǵa búgin saǵat 03:15–te boldy. Ǵımarattyń qıraýy men janýy bolǵan joq. Jylytý qazandyǵy jarylǵan kezde pesh jaǵýshy maman termııalyq kúıik aldy. Qazirgi ýaqytta er adam Astana qalasyndaǵy aýrýhanalardyń birinde» - delingen Aqmola oblysy TJD baspasóz qyzmetiniń túsiniktemesinde.
Aıta ketsek, budan buryn Şýche qalasynda órtengen úıden 10 adam evakýatsııalanǵanyn jazǵan edik.
