Aqmola oblysynda memlekettik mekemeniń qyzmetkerlerine 397 mln teńge bereshegi óteldi
KÓKShETAÝ. KAZINFORM — Aqmola oblysynda porokýratýranyń aralasýymen memlekettik mekemeniń qyzmetkerleri aldynda eńbekaqy boıynsha qordalanyp qalǵan 397 mln teńge bereshegi tolyq óteldi.
Aqmola oblysy prokýratýrasy baspasóz qyzmetiniń málimetinshe, zań buzýshylyq Zerendi aýdanynyń prokýratýrasy júrgizgen tekseris barysynda anyqtalǵan.
«Aýdannyń memlekettik mekemesinde 943 qyzmetker aldynda jalpy somasy 397 mln teńgege eńbekaqy boıynsha bereshegi qalyptasqany anyqtaldy. Qadaǵalaý aktisi boıynsha qaryzdar tolyq kólemde óteldi, kináli tulǵalar tártiptik jaýapqa tartyldy. Osylaısha, atalǵan azamattardyń konstıtýtsııalyq quqyqtary qorǵaldy», - dedi vedomstvodan.
Aıta ketsek, budan buryn Aqmola oblysynda prokýratýranyń aralasýynan keıin 92 jumysshynyń eńbekaqysy tólengenin jazǵan edik.
