Aqmola oblysynda Memlekettik kirister departamentiniń basqarma basshysy para aldy degen kúdikke ilikti

KÓKShETAÝ. KAZINFORM – Ulttyq qaýipsizdik komıtetiniń Sybaılas jemqorlyqqa qarsy is-qımyl qyzmeti Aqmola oblysy boıynsha Memlekettik kirister departamentiniń basqarma basshysyn para aldy degen kúdikpen ustady.

- Atalǵan derek boıynsha sotqa deıingi tergep-tekserý bastaldy. Qazirgi ýaqytta kúdiktige qatysty bultartpaý sharasyn qoldaný máselesi qaralýda, - delingen vedomstvo aqparatynda.

Qylmystyq-protsestik kodekstiń 201-baby 1-bóligine sáıkes, tergeý múddesine baılanysty ózge aqparat jarııa etilmeıdi.

Aıta keteıik, Sybaılas jemqorlyqqa qarsy is-qımyl ulttyq bıýrosynyń burynǵy basshysy Tatýbaev qolǵa tústi.