Aqmola oblysynda mektepti jóndep jatqan avtokran aýdaryldy

ASTANA. KAZINFORM – Kólikti basqarǵan júrgizýshi mas bolǵan, sol úshin polıtseıler ony ákimshilik jaýapkershilikke tartty, dep habarlaıdy Kazinform agenttiginiń tilshisi. 

Aqmola oblystyq polıtsııa departamentiniń baspasóz qyzmeti oqıǵaǵa qatysty túsinik berdi. Arshaly aýdandyq polıtsııa bólimine Ijevsk aýylyndaǵy mektepti jóndeý jumystaryn júrgizý kezinde júk kótergish kran aýdarylyp qalǵany týraly aqparat kelip túsken.

— Atalǵan fakt polıtsııa bóliminde tirkeldi. Avtokran júrgizýshisi jeńil dárejede mas bolǵany anyqtaldy. Júrgizýshi ákimshilik jaýapkershilikke tartyldy, — dep túsindirdi vedomstvoda.

Polıtseıler qosyp ótkendeı, oqıǵa saldarynan zardap shekkender joq. 

Aıta ketelik Astanada qurylys alańynda kran aýdarylyp, jumysshy qaza tapqan edi.