Aqmola oblysynda manıpýlıator qaǵyp ketken áıel kóz jumdy

KÓKShETAÝ. KAZINFORM – Aqmola oblysynda joldan júgirip ótpek bolǵan áıeldi manıpýlıator qaǵyp, mert qyldy.

Qaıǵyly jaǵdaı búgin Qosshy qalasynda bolǵan. Aqmola oblystyq PD baspasóz qyzmetinen adam ólimine ákelip soqqan jol-kólik oqıǵasynyń bolǵanyn rastady.

«Polıtsııa departamenti jol-kólik oqıǵasy búgin 11 qyrkúıekte saǵat 18:00 shamasynda Qosshy qalasynda bolǵanyn habarlaıdy. Qazirgi ýaqytta polıtsııa qyzmetkerleri bolǵan oqıǵanyń mán-jaıyn anyqtap jatyr», - dedi vedomstvodan.

Aıta ketsek, bul týraly áleýmettik jelide jarııalandy. Onda balabaqshadaǵy balasyna bara jatqan áıeldi manıpýlıator kóligi qaǵyp ketkeni jáne onyń jedel járdem kóliginde qaıtys bolǵany jazylǵan.

Aıta ketsek, budan buryn Aqmola oblysynda óndiris ornynda jumysshy áıeldi júk kóligi basyp ketkenin jazǵan edik.