Aqmola oblysynda Mádenıet úıiniń basshysy zańsyz eńbekaqy tólegen
KÓKShETAÝ. KAZINFORM – Aqmola oblysynyń prokýratýrasy zańsyz eńbekaqyny esepteý faktilerin anyqtady.
Astrahan aýdanynyń prokýratýrasy aýdandyq mádenıet úıiniń qyzmetinde júrgizilgen tekseris nátıjesinde bıýdjet qarajatyn talan-tarajǵa salý faktileri anyqtaldy.
Belgili bolǵandaı, 2022 -2024 jyldarda aýdandyq mádenıet úıiniń basshysy oryndalmaǵan jumystar úshin ózge tulǵalarǵa negizsiz eńbekaqy esepteý arqyly 2,6 mln teńge kólemindegi qarajatty talan-tarajǵa salyp, memleketke materıaldyq zalal keltirgen.
Sottyń úkimimen aýdandyq mádenıet úıiniń burynǵy basshysy senip tapsyrylǵan bóten múlikti ysyrap etti dep tanylyp, memlekettik qyzmette laýazym atqarý quqyǵynan ómir boıyna aıyra otyryp, bas bostandyǵynan aıyrý jazasyna kesildi.
Sotta memlekettik aıyptaýshy sottalýshynyń kinásin tolyq dáleldedi.
Úkim zańdy kúshine endi.
Aıta keteıik, Aqmola oblysynda qaıtarylǵan aktıvter esebinen 12 mlrd teńgege Kokshe Arena kópfýnktsıonaldy sport kesheni salyndy.