13:20, 09 Aqpan 2024 | GMT +6
Aqmola oblysynda qutqarýshylardyń kómegimen 11 jastaǵy naýqas aýrýhanaǵa jetkizildi
KÓKShETAÝ. KAZINFORM - Aqmola oblysynda boranda úıinen shyǵa almaǵan 11 jastaǵy naýqas balany qutqarýshylar jedel aýrýhanaǵa jetkizdi.
Aýmaqtyq TJD baspasóz qyzmetiniń málimetinshe, búgin, 9 aqpanda Jaqsy aýdandyq TJB-ne Tersaqan aýylynyń ákimi habarlasyp, 11 jastaǵy balanyń aýyryp qalǵanyn jáne shuǵyl aýrýhanaǵa jetkizý qajettigin aıtqan.
«Túngi saǵat 00:50 shamasynda Jaqsy aýdanynyń qutqarýshylary men jedel járdem brıgadasynyń qyzmetkerleri jol talǵamaıtyn «Ýral» kóligimen Terisaqan aýylyna baryp, balany aman-esen aýdandyq aýrýhanaǵa alyp keldi. Qazirgi kezde balanyń jaǵdaı turaqty, aldaǵy otaǵa daıyndalýda», - dedi vedomstvodan.
Aıta ketsek, budan buryn Aqmola oblysynda jolda qalǵan 26 adam qutqarylǵanyn jazǵan edik.
