Aqmola oblysynda quny 332,5 mln teńge bolatyn jer memleket menshigine qaıtaryldy
ASTANA. KAZINFORM — Aqmola oblysynyń prokýratýrasy Birjan sal aýdanynda paıdalanylmaı jatqan jerlerdi memleketke qaıtardy.
Aqmola oblysy Birjan sal aýdanynda jaıylymdyq jáne egistik jerlerdiń tapshylyǵy ózekti máselelerdiń biri.
Osyǵan baılanysty 2025 jyldan bastap Birjan sal aýdanynyń prokýratýrasy «Paıdalanylmaı jatqan jerlerdi qaıtarý» jobasyn iske asyryp jatyr.
Qadaǵalaý is-sharalary barysynda jer ýchaskelerin uzaq ýaqyt boıy nysanaly maqsatyna saı paıdalanbaı, Jer kodeksiniń talaptaryn buzǵan jer paıdalanýshylar anyqtaldy.
Prokýrorlyq qadaǵalaý aktileri boıynsha jalpy kadastrlyq quny 332,5 mln teńge bolatyn 23,3 myń gektardan astam jer memleket menshigine qaıtaryldy.
Jergilikti atqarýshy organdarǵa qaıtarylǵan jerlerdi adal turǵyndar men bıznes sýbektilerine berý usynyldy.
Paıdalanylmaı jatqan jerlerdi anyqtaý jáne olardy erikti túrde qaıtarý jumystary jalǵasýda.
Aıta ketelik Shymkentte memleket menshigine ótken 321 jer ýchaskesi úshin 7,5 mlrd teńge tólendi.
