Aqmola oblysynda quny 285 mln teńge turatyn jer ýchaskesi memleketke qaıtaryldy
KÓKShETAÝ.KAZINFORM – Aqkól aýdany prokýratýrasy týrıstik klasterdiń damýyna kedergi keltiretin problemalyq máselelerdi sheshý maqsatynda orman zańnamasy talaptarynyń saqtalýyn taldap keledi.
Tekserý nátıjesinde orman paıdalanýshylar memlekettik orman qorynyń jer ýchaskelerin maqsatty túrde saýyqtyrý, rekreatsııalyq, týrıstik jáne sporttyq maqsattar úshin paıdalanbaıtyny anyqtaldy.
Prokýrorlyq qadaǵalaý sharalarynyń nátıjesinde jalpy kadastrlyq quny 285 mln teńge turatyn memlekettik orman qorynyń 2 jeri memleketke qaıtaryldy.
Aqmola oblysy prokýratýrasy málimetinshe, bul ýchaskeler keıinnen týrıstik bıznesti uıymdastyrý úshin áleýetti ınvestorlarǵa berý maqsatynda qarastyrylmaq.
Osy baǵyttaǵy jumys jalǵasyp jatyr.
Aıta keteıik, Jetisý oblysynyń prokýratýrasy jyldar boıy maqsatsyz ıelenýde bolǵan aýyl sharýashylyǵy alqaptaryn memleket menshigine qaıtaryp, memleket múddesin qorǵaýdy qamtamasyz etti.
