Aqmola oblysynda kópfýnktsıonaldy týrıstik aımaq qurylady

ASTANA. KAZINFORM – Oblystyń eki aýdanynda týrızmdi ilgeriletý maqsatynda eki kópfýnktsıonaldy ınvestıtsııalyq jobany iske asyrý josparlanyp otyr. Bul týraly Aqmola oblysynyń ákimi Marat Ahmetjanov málim etti.

- Týrızmdi damytý boıynsha eki kópfýnktsıonaldy ınvestıtsııalyq joba josparlanǵan. Onyń biri Býrabaı aýdanyndaǵy kottedj-qonaq úı úlgisindegi demalys aımaǵy, Aqkól aýdanynda turýǵa arnalǵan jáne sanıtarlyq-kýrorttyq emdeý nysandary keshenin keńeıtý. Óńirdiń ınvestıtsııalyq ahýalyn jaqsartý úshin respýblıkalyq mańyzy bar «Aqmola» ındýstrııalyq aımaǵy quryldy. Qazir bul aımaqta óz ónimderin usynýǵa múddeli ınvestorlar pýly bar.

Mysaly, kólik-logıstıkalyq ortalyǵy, aýyl sharýashylyǵy agregattarynyń otandyq óndirisin ataýǵa bolady, - dedi Marat Ahmetjanov Ortalyq kommýnıkatsııalar qyzmeti alańynda ótken baspasóz máslıhatynda. 

Sondaı-aq, ákim elordada «Aqmola Invest» ınvestıtsııalar tartý ortalyǵy ashylǵanyn aıtty. 

- Ortalyq bazada 50 kompanııamen kezdesýler ótti, olardyń basym bóligi sheteldik ınvestorlar. Bul ınvestorlardy tartýǵa jáne súıemeldeýge basa nazar aýdara otyryp, elordada usynylǵan jalǵyz aımaqtyq front-ofıs deýge bolady. Bul baǵyttaǵy jumysty jalǵastyramyz,- deıdi M. Ahmetjanov.