Aqmola oblysynda kommýnaldyq robot paıda boldy
ASTANA. KAZINFORM — Aqmola oblysynyń ákimi Marat Ahmetjanov Býrabaı aýdanyna arnaıy tehnıkany tabystady, dep habarlaıdy oblys ákimdigi.
Robot-teleınspektor zamanaýı kameralar men sensorlarmen jabdyqtalǵan, olar joǵary dáldiktegi keskindi qamtamasyz etip, qubyrlardyń kúıin egjeı-tegjeıli taldaýǵa múmkindik beredi jáne dıametri 300-den 1000 mm-ge deıingi kanalızatsııa qubyrlaryndaǵy aqaýlardy anyqtaýǵa arnalǵan.
Aqmola oblysynyń ákimi Marat Ahmetjanov jańa kómekshini jáne kommýnaldyq qyzmetterge arnalǵan mamandandyrylǵan tehnıkanyń kiltterin, onyń ishinde mazýt tasymaldaýshy, kópfýnktsıonaldy KamAZ, fermerlik jáne jolaýshy Gazelder, sondaı-aq JAC jáne Haval pıkaptaryn tapsyrdy.
Jańa tehnıkany tapsyrý óńirdiń kommýnaldyq ınfraqurylymyn damytý men materıaldyq-tehnıkalyq bazany jaqsartýda mańyzdy qadam bolýda.
Eske salsaq, buǵan deıin Jetisý oblysynda robot sot oryndaýshylar jumys isteıtinin jazǵan edik.