Aqmola oblysynda kólik sýǵa batyp, eki qyz kóz jumdy
ASTANA. KAZINFORM — Aqmola oblysynyń Tselınograd aýdanynda demalys kezinde jeńil kólik sýǵa batyp, saldarynan eki qyz qaza boldy.
Aqmola oblystyq Tótenshe jaǵdaılar departamentiniń málimetinshe, qaıǵyly oqıǵa 11 shildede aýdan aýmaǵyndaǵy sýǵa tolǵan karerlerdiń birinde bolǵan.
Aldyn ala málimet boıynsha, jeńil avtokólik belgisiz sebeppen sýǵa túsip ketken.
— Bul ját jóninde habar túskennen keıin oqıǵa ornyna Aqmola oblysy men Astana qalasy Tótenshe jaǵdaılar departamentiniń kúshteri men quraldary jiberildi. Qutqarýshylar jetken kezde oqıǵa ornynda polıtsııa qyzmetkerleri bolǵan, — dedi Aqmola oblystyq TJD resmı ókili Ersaıyn Qoıshybaev.
Apattyq-qutqarý jumystary barysynda mamandar sý túbinen jeńil avtokólikti shyǵaryp, onyń ishinen 8 jáne 12 jastaǵy eki qyzdyń máıitin tapty.
Vedomstvonyń málimetinshe, otbasy bul jerge demalýǵa kelgen. Qaıǵyly oqıǵanyń mán-jaıy anyqtalyp jatyr.
Osyǵan deıin Kókshetaýda tyıym salynǵan jerge shomylǵan er adam sýǵa batyp ketkeni týraly jazdyq.
