Aqmola oblysynda kólik qaǵyp ketken 8 jasar qyz kóz jumdy

Oqıǵa 7 qyrkúıek kúni saǵat 18:00 shamasynda Makınsk qalasyndaǵy Máskeý kóshesinde bolǵan. Jol apaty bolǵan jerden túsirilgen kadrlar áleýmettik jelide tarady.

– «Mersedes» avtokóliginiń júrgizýshisi joldyń belgilenbegen jerinen ótip bara jatqan jaıaý júrginshini qaǵyp ketti. Jol-kólik oqıǵasy saldarynan jaıaý júrginshi medıtsınalyq mekemede kóz jumdy, – dep habarlady Aqmola oblystyq Polıtsııa departamentiniń baspasóz qyzmeti.

Polıtsııa atalǵan derek boıynsha tergeý júrgizilip jatqanyn málimdedi.

Aıta keteıik, Aqmola oblysynda jol apatynan «Gazel» jolaýshysy qaza tapty.