Aqmola oblysynda qaıtarylǵan aktıvter esebinen sý qubyry júıesi salyndy

ASTANA. KAZINFORM – «Zań men Tártip» tujyrymdamasyn iske asyrý aıasynda Aqmola oblysy Zerendi aýdanyna qarasty Sadovoe aýylynda ortalyqtandyrylǵan aýyzsý júıesi iske qosyldy.

Bas prokýratýra málimetinshe, nysannyń qurylysy memleketke prokýratýra organdary arqyly qaıtarylǵan aktıvter esebinen qarjylandyryldy. Saltanatty ashylý rásimine Aqmola oblysynyń prokýrory Rýfat Quttyqov, Zerendi aýdanynyń ákimi Áset Qurmanǵojın, aýdan prokýrory Asqar Dastan jáne aýyl turǵyndary qatysty.

Oblys prokýrory Rýfat Quttyqov aýyl turǵyndaryn jańa sý qubyry jelisiniń aıaqtalýymen quttyqtap, bul tek bir nysannyń iske qosylýy ǵana emes, aýyl turǵyndarynyń ómir súrý sapasyn arttyrýǵa baǵyttalǵan mańyzdy qadam ekenin atap ótti. Ortalyqtandyrylǵan sý júıesiniń iske qosylýy Sadovoe aýylyndaǵy 1 500-den astam turǵyndy sapaly aýyzsýmen qamtamasyz etip, jaıly ómir súrýge jaǵdaı jasaıdy jáne óńirdiń áleýmettik-ekonomıkalyq damýyna oń áserin tıgizedi.

Aıta keteıik, Sý resýrstary mınıstrligi 10 toptyq sý qubyryn jergilikti atqarýshy organdardyń qaramaǵyna berdi.

Mańǵystaý oblysynda 200 myń adamdy aýyzsýmen qamtıtyn sý qubyry paıdalanýǵa beriledi.