Aqmola oblysynda qaıtarylǵan aktıvter esebinen salynǵan mekemeler paıdalanýǵa berildi
ASTANA. KAZINIFORM – Memleket basshysynyń áleýmettik ınfraqurylymdy qurý jónindegi tapsyrmasyn oryndaý sheńberinde Aqmola oblysynda eki densaýlyq saqtaý mekemesi – Arshaly aýdany Arnasaı aýylynda dárigerlik ambýlatorııa jáne Bulandy aýdany Altyndy aýylynda feldsherlik-akýsherlik pýnkt ashyldy. Bul týraly Úkimettiń baspasóz qyzmeti habarlady.
Nysandar elge qaıtarylǵan aktıvter esebinen salynǵan. Osy maqsatqa arnaýly memlekettik qordan 295 mln teńge bólindi.
Arshaly aýdanynyń Arnasaı aýylyndaǵy dárigerlik ambýlatorııa 2 myńnan astam turǵynǵa qyzmet kórsetedi: Eltok, Qoıgeldi, Babataı stansalary jáne 42 razezd.
450 m2 ǵımarat bir aýysymda 45 kelýshige arnalǵan jáne EKG apparatyn, defıbrıllıatorlardy, fızıoterapııa jáne ońaltý jabdyqtaryn qosa alǵanda, zamanaýı jabdyqtarmen tolyq jabdyqtalǵan. Bul aýyl turǵyndary úshin alǵashqy medıtsınalyq kómektiń sapasy men qoljetimdiligin arttyrýǵa múmkindik beredi.
Bulandy aýdany Altyndy aýylyndaǵy feldsherlik-akýsherlik pýnkt Altyndy, Alakól, Jańatalap, Eltaı jáne Boıarka aýyldarynan 1 myńǵa jýyq adamǵa medıtsınalyq qyzmet kórsetýge arnalǵan. Nysan zamanaýı jabdyqtarmen jabdyqtalǵan, bul halyqqa ýaqtyly jáne sapaly medıtsınalyq kómek kórsetedi.
Medıtsınalyq mekemelerdiń ashylýyna QR Bas prokýrorynyń orynbasary Ǵalymjan Qoıgeldıev pen Aqmola oblysynyń ákimi Marat Ahmetjanov qatysty.
Aıta keteıik, Aqmola oblysynda taǵy úsh dárigerlik ambýlatorııa, tórt feldsherlik-akýsherlik jáne bir medıtsınalyq pýnkt qurylysy aıaqtalýǵa jaqyn. Úkimet óńirde 10 densaýlyq saqtaý nysanyn salýǵa Arnaýly memlekettik qordan shamamen 1,7 mlrd teńge bóldi.
Aıta keteıik, Ulytaý óńirin aýyz sýmen qamtamasyz etýge qaıtarylǵan aktıvter qarajaty jumsaldy.