Aqmola oblysynda qatygezdikpen kisi óltirý isi: kúdiktige qatysty qosymsha málimet aıtyldy

ASTANA. KAZINFORM — Іshki ister mınıstriniń orynbasary Sanjar Ádilov Aqmola oblysyndaǵy Jibek joly aýylynda otbasy músheleriniń ólimine qatysty isti tergeýdiń mán-jaıyn aıtyp berdi.

- Atalǵan derekke qatysty kisi óltirý baby boıynsha qylmystyq is qozǵaldy. Kúdikti adam ustalyp, sot sanktsııasymen qamaýǵa alyndy. Qazir tergeý amaldary jalǵasyp jatyr. Sonymen qatar, oqıǵa ornynda da qosymsha tekserý is-sharalary qamtylǵan, ol jerge tergeý toby jiberildi, - dedi S. Ádilov Senatta tilshiler suraǵyna jaýap bere otyryp.

Onyń aıtýynsha, kúdikti buǵan deıin de isti bolǵan.

- Marqumdardyń máıitteri anyqtalyp, sot-medıtsınalyq saraptamalar taǵaıyndaldy, - dedi mınıstrdiń orynbasary.

Eske salsaq, 2 naýryzda polıtsııa 4 týysyn óltirdi dep kúdikke ilingen aqmolalyqtyń izin sýytpaı ustaǵanyn habarlandy.