Aqmola oblysynda kásiporynnan 25 mln teńge jymqyrý faktisi tergelip jatyr
ASTANA. KAZINFORM — Polıtsııa Aqmola oblysynyń Qosshy qalasyndaǵy kásiporyndardyń birine tıesili asa iri kólemdegi aqshalaı qarajatty jymqyrý faktisi boıynsha sotqa deıingi tergep-tekserý júrgizip jatyr.
Aldyn ala málimet boıynsha, 2023-2025 jyldar aralyǵynda jergilikti JShS-lerdiń biriniń qarajaty senip tapsyrylǵan múlikti ysyrap etý jolymen jymqyrylyp, keıin úshinshi tarap uıymynyń esepshottaryna aýdarylǵan bolýy múmkin.
Polıtsııanyń málimetinshe, keltirilgen shyǵyn kólemi — shamamen 25 mln teńge.
Qazirgi ýaqytta tergeýshiler qajetti tergeý jáne protsessýaldyq áreketterdi júrgizip, tıisti sot saraptamalaryn taǵaıyndady. Sondaı-aq qarjylyq qujattar men aqsha qarajatynyń qozǵalysy zerdelenip jatyr.
— Іs boıynsha qylmysqa qatysy bolýy múmkin tulǵalar anyqtalyp, olardyń áreketine sotqa deıingi tergep-tekserý aıasynda quqyqtyq baǵa beriledi, — delingen habarlamada.
Tergeý jalǵasyp jatyr.
Eske salaıyq, buǵan deıin Astanada kólik salonynan aqsha jymqyrǵan kúdikti ustalǵanyn habarlaǵanbyz.
