Aqmola oblysynda qarý men oq-dáriler tabyldy

ASTANA. KAZINFORM – Astana–Qaraǵandy avtojolynda, Arshaly aýdanynyń Shoptyqól eldi mekeniniń mańynda atys qarýy men ártúrli kalıbrli oq-dáriler tabylyp, tárkilendi. Bul týraly Aqmola oblysynyń prokýratýrasynyń baspasóz qyzmeti habarlady. 

Arshaly aýdany prokýratýrasy Aqmola oblysy prokýratýrasynyń úılestirýimen, qamaýda jazasyn óteýshi tulǵamen ótkizilgen konfıdentsıaldy áńgime barysynda atys qarýy bar jasyryn oryn týraly aqparat alǵan.

— Atalǵan aqparatty tekserý barysynda Astana–Qaraǵandy avtojolynda, Arshaly aýdanynyń Shoptyqól eldi mekeniniń mańynda atys qarýy men ártúrli kalıbrli oq-dáriler tabylyp, tárkilendi.

Qarý-jaraq pen oq-dárilerdiń el aýmaǵyna shetelden ákelingen bolýy múmkin (Qazaqstan Respýblıkasynyń qarý-jaraǵy quramynda joq), — delingen habarlamada.

Osy derek boıynsha Qylmystyq kodekstiń 287-babynyń 3-bóligi boıynsha aldyn ala tergeý bastaldy. 

Aıta ketelik qarý-jaraq saýdasyna qatysty Іshki ister mınıstrliginiń birqatar buıryǵy ózgergen edi.