Aqmola oblysynda kartop ósirý jobasyn júzege asyryp jatqan ınvestordyń quqyǵy qorǵaldy
ASTANA. KAZINFORM – Aqmola oblysynyń prokýratýrasy ınvestorǵa kartop ósirýge arnalǵan jer ýchaskelerinen aýyrtpalyqtardy alyp tastaýǵa kómektesti.
Birjan sal aýdanynyń prokýratýrasy Investorlardyń quqyqtaryn qorǵaý komıtetimen birlesip «Makınka-2015» JShS-niń quqyqtaryn qorǵady.
Kompanııa kartop ósirý jáne kókónis saqtaý qoımasyn salý jobasyn júzege asyrýda.
Jobanyń jalpy ınvestıtsııa kólemi 800 mln teńge jáne jańa jumys oryndaryn ashýdy kózdeıdi.
Investor jalǵa alynǵan jer ýchaskelerinen aýyrtpalyqtardy alyp tastaý máselesin ýaqtyly sheshpegen jer resýrstaryn basqarý jónindegi ýákiletti organnyń áreketsizdigine baılanysty qadaǵalaý organyna júgingen.
Tekserý barysynda buryn berilgen nusqamanyń baqylaýdan alynǵanyna qaramastan, vedomstvonyń tirkeýshi organǵa qajetti málimetterdi ýaqytyly joldamaǵany anyqtaldy. Bul óz kezeginde rásimderdiń negizsiz sozylýyna ákelip, kásipkerdiń quqyqtaryn shektegen.
Prokýratýranyń jazbasha talap etý aktisi boıynsha jer ýchaskelerine qoıylǵan barlyq aýyrtpalyq alynyp tastalyp, ınvestordyń quqyqtary tolyq kólemde qalpyna keltirildi.
Investıtsııalyq jobany súıemeldeý aıasynda Bırjan sal aýdanynyń prokýrory «Makınka-2015» JShS-niń basshylyǵymen kóshpeli kezdesý ótkizip, jobany iske asyrýdyń kelesi kezeńderi men aǵymdaǵy ákimshilik máselelerdi talqylady.
Aıta ketelik Pavlodarda ınvestor quqyǵy qorǵaldy: zaýyt qurylysyna kedergi bolǵan másele sheshilgen edi.
