Aqmola oblysynda qaraqshylyq shabýyl jasaǵan kúdiktiler ustaldy
KÓKShETAÝ. KAZINFORM — ІІM krımınaldyq polıtsııa departamenti men Aqmola oblysy polıtsııa departamentiniń qyzmetkerleri aýdandyq máslıhat tóraǵasyna jasalǵan qaraqshylyq shabýyldy áshkereledi. Bul týraly Polisia.kz jazdy.
15 shildede betperdemen basyn búrkegen eki er adam Astrahanka aýylynda erli-zaıyptylardyń úıine kirip, ańshy myltyǵymen qorqytý arqyly qaraqshylyq shabýyl jasaǵan. Shyǵyn tórt mıllıon teńgeden astam. Olar jábirlenýshilerdi baılap, úıleriniń jertólesine qamap ketken.
— Jedel-izdestirý is-sharalary barysynda kúdikti úsh adam ustaldy. Olardyń ekeýi Jambyl oblysynyń, biri Túrkistan oblysynyń turǵyny. Buǵan deıin birneshe ret osyndaı qylmystar úshin sotty bolǵan. Tintý barysynda jábirlenýshilerge tıesili altyn buıymdar tárkilendi. Qazirgi ýaqytta úsheýi de ýaqytsha ustaý ızolıatoryna qamaldy. Tergeý áreketteri júrgizilip jatyr. Іshki ister mınıstrligi azamattarǵa tóngen kez kelgen qaýipke jedel den qoıa otyryp, zań men tártipti qamtamasyz etý baǵytynda júıeli jumys júrgizýde, — dedi ІІM krımınaldyq polıtsııa departamentiniń bastyǵy Qanat Nurmaǵambetov.
Eske sala keteıik, buǵan deıin halyqaralyq izdeýde bolǵan qazaqstandyq Mysyrda ustalǵanyn jazǵan edik.