Aqmola oblysynda qalyń tumanǵa baılanysty kólik qozǵalysyna shekteý qoıyldy
ASTANA. KAZINFORM – «QazAvtoJol» ulttyq kompanııasy Aqmola oblysynda aýa raıynyń nasharlaýyna baılanysty jol qozǵalysyna shekteý engizilgenin habarlady.
«Aqmola oblysynda kóriný qashyqtyǵynyń tómendeýi men qalyń tumanǵa baılanysty barlyq avtokólik túrleri úshin Astana – Kókshetaý (aınalyp ótý joly arqyly) – Petropavl – RF shekarasy (Jańa jol ótkizý pýnkti) baǵytyndaǵy respýblıkalyq mańyzy bar tasjoldyń 140-180 shaqyrymdary aralyǵynda jyldamdyq shekteýi engizildi», – delingen kompanııa habarlamasynda.
«QazAvtoJol» ókilderi júrgizýshilerge jol qozǵalysy erejelerin saqtap, jyldamdyqty tómendetýge jáne joldaǵy aýa raıy jaǵdaıyn eskerýge keńes berdi.
Qosymsha aqparatty táýlik boıy jumys isteıtin Call-ortalyqtyń 1403 nómiri arqyly alýǵa bolady.
Buǵan deıin Pavlodar oblysynda da aýa raıynyń qolaısyzdyǵyna baılanysty respýblıkalyq mańyzy bar eki baǵytta qozǵalys shektelgeni habarlanǵan bolatyn.
