Aqmola oblysyndaǵy kafede bolǵan jarylys: taǵy eki adam kúdikke ilindi
KÓKShETAÝ. KAZINFORM - Aqmola oblysynyń prokýratýrasy Şýchınsk qalasyndaǵy «Tsentr plova Loft» kafesinde abaısyzda eki jáne odan da kóp adamnyń ólimine ákep soqtyrǵan órt qaýipsizdigi talaptaryn buzý faktisi boıynsha sotqa deıingi tergeýdi jalǵastyryp jatyr.
Bıyl 20 sáýirde arnaıy prokýrorlar avtomobıl gaz quıý stantsııasynyń dırektoryn, sondaı-aq gaz ballondardy jetkizýshini ustady. Oblystyq prokýratýra málimetinshe, olar ballondardy toltyrý jáne jetkizý boıynsha qyzmetter kórsetý kezinde zańnama talaptaryn buzdy degen kúdikke ilinip otyr.
Kúdiktilerdiń áreketteri Qazaqstan Respýblıkasy Qylmystyq kodeksiniń 306 - babynyń 3-bóligi boıynsha (abaısyzda ekiden kóp adamnyń aýyr zardaptary men ólimine ákep soqqan, tutynýshylardyń ómiri men densaýlyǵy qaýipsizdiginiń talaptaryna saı kelmeıtin qyzmetter kórsetý) saralandy. Atalǵan bap sanktsııasy 8 jylǵa deıingi merzimge bas bostandyǵynan aıyrý túrindegi jazany kózdeıdi.
Kúdiktilerdiń birine qatysty sottyń sanktsııasymen qamaýda ustaý túrindegi bultartpaý sharasy, ekinshisine- úı qamaǵy tańdaldy.
Sotqa deıingi tergeý jalǵasyp jatyr. Іs boıynsha túpkilikti sheshimdi sot qabyldaıdy.
QPK 201-babyna sáıkes ózge de mán-jaılar jarııa etýge jatpaıdy.
Aıta keteıik, Şýchedegi «Palaý ortalyǵynda» órtten qaza tapqandar sany 12 adamǵa jetti.
Aqmola oblysynda «Palaý ortalyǵy» kafesiniń ıesi ustaldy.
