Aqmola oblysynda et ónimderin satýǵa jalǵan veterınarlyq anyqtama bergender ustaldy

KÓKShETAÝ. KAZINFORM - Aýdan prokýratýrasy Atbasar qalasyndaǵy mal soıý pýnktiniń veterınarııalyq zerthanasynyń qyzmetinde mal ónimderi men shıkizatyna veterınarly-sanıtarııalyq saraptama júrgizý kezinde talaptardyń saqtalýy máselesi boıynsha tekserý júrgizdi.

Anyqtalǵandaı, jergilikti kásipker veterınarııa salasyndaǵy qyzmetke memlekettik lıtsenzııasyna ıe bolyp, zerthanalyq zertteýler júrgizbesten ishki saýda obektilerinde jáne basqa jerlerde satylatyn et shıkizatynyń sáıkestigi týraly veterınarııalyq anyqtamalar bergen.

«Nebári 3 jyl ishinde kásipker osyndaı 850 anyqtama taratqan, ıaǵnı saýda núkteleriniń sórelerine ondaǵan tonna zerttelmegen aýyl sharýashylyǵy janýarlarynyń eti tústi. Sonyń saldarynan shektelmegen adamdar qatarynyń ómiri men densaýlyǵyna qaýip tóndi.

Atalǵan fakt boıynsha ýákiletti organdarǵa zańdylyqtyń buzylýyn joıý týraly usyný engizildi, qaraý nátıjeleri boıynsha kináli tulǵa, 6 aı merzimine lıtsenzııanyń qoldanylýyn toqtatýmen, ákimshilik jaýapkershilikke tartyldy», — dep jazdy Bas prokýratýradan.

Osylaısha, atalǵan kásipkerdiń aldaǵy jarty jylda mundaı anyqtamalardy berýge quqyǵy joq.