Aqmola oblysynda esirtki jasyryp júrgen 19 jastaǵy turǵyn ustaldy

ASTANA. KAZINFORM - Aqmola oblysynda polıtsııa jasyryn esirtki qoıýshyny ustady, – dep habarlaıdy Polisia.kz.

Sáýir aıynda Şýchınsk qalasynda jedel-izdestirý is-sharalarynyń barysyda esirtki qylmysyna qarsy is-qımyl bóliminiń qyzmetkerleri 19 jastaǵy azamatty ustady. Ol esirtkini jasyryn belgilengen jerlerge qoıyp ketip júrgen.

Tergeý is-sharalary kezinde polıtseıler kúdiktiden 88 esirtki jınaǵyn tárkiledi, onyń 30-yn ol arnaıy oryndarǵa jasyryp úlgergen. Sol kúni barlyq esirtki belgilerin jedel ýákilder taýyp, saraptamaǵa jiberdi.

Anyqtalǵandaı, jas jigit eki apta buryn kýratorlardan qajetti daıyndyq pen nusqaýlyqtan ótkennen keıin zańsyz árekettermen aınalysa bastaǵan. Kúdiktiniń ózi jumys istemeıdi, qylmystyq jolmen jeńil aqsha tapqysy kelgen.

Bul fakt boıynsha polıtseıler qylmystyq is qozǵap, tergeý is-sharalaryn júrgizip jatyr.

Aıta ketý kerek, bıyl polıtseıler 16 esirtki qoıyp ketýshilerdiń qyzmetin toqtatty.

Osyǵan deıin QR ІІM ókilderi bıylǵy úsh aıda búkil el boıynsha tyıym salynǵan zattardy saqtaýǵa jáne taratýǵa qatysy bar degen kúdikpen 23 jasóspirim ustalǵanyn habarlaǵanyn jazdyq.