Aqmola oblysynda erli-zaıyptylar qaza tapqan úıdi órtegen kúdikti ustaldy
ASTANA. KAZINFORM — Aqmola polıtseıleri bolǵan oqıǵaǵa qatysty qylmystyq is qozǵady, dep habarlaıdy Kazinform agenttiginiń tilshisi.
Aqmola oblysy polıtsııa departamentiniń baspasóz qyzmeti Şýchınsk qalasynda eki adam qaza bolǵan órtke qatysty tergeý júrip jatqanyn málimdedi.
— Aldyn ala málimet boıynsha, 39 jastaǵy jergilikti azamat úıdi qasaqana órtegen. Órt kezinde onda turyp jatqan erli-zaıypty qaza tapqan, — dep túsindirdi vedomstvo.
Kúdikti ustalyp, ýaqytsha ustaý ızolıatoryna qamaldy. Qazir polıtsııa sotqa deıingi tergeý júrgizip, oqıǵanyń mán-jaıyn anyqtap jatyr.
Aıta keteıik, buǵan deıin Aqmola oblysynda órtten eki adam qaza tapqany habarlanǵan edi.
