Aqmola oblysynda erkin kúresten halyqaralyq týrnır aıaqtaldy
ASTANA. KAZINFORM – Aqmola oblysynyń Esil qalasynda sport sheberi, erkin kúresten Qazaqstannyń eńbek sińirgen jattyqtyrýshysy Tólegen Ysqaqovty jáne sport sheberi, Qazaqstan chempıony Mádı Ysqaqovty eske alýǵa arnalǵan jasóspirimder arasyndaǵy týrnır ótti.
Jarysqa Qazaqstan, Qyrǵyzstan, Tájikstan jáne Reseıden 270 sportshy qatysty. Jas palýandar 22 salmaq dárejesi boıynsha úzdikter ataǵy úshin kúresti.
29 kelige deıingi salmaqta Aıan Áljanov birinshi orynǵa laıyq boldy, Dıdar Esengeldınov ekinshi oryn aldy. 31 kelige deıingi salmaqta Omar Áldıbek, Mansur Naýyryzbek, Aısultan Amantaı jáne Aldııar Qarataı jeńimpaz atandy. Olardyń barlyǵy 2013-2014 jyldary týǵan.
2010-2011 jylǵy sportshylar sanatynda 38 kelige deıingi salmaqta Maksım Sysolıatın jeńiske jetti. 52 kelige deıingi salmaq dárejesinde Dáýlet Baqytjan birinshi, al Adam Katıev ekinshi orynǵa ıe boldy.
2008-2009 jyly týǵan sportshylar arasynda 48 kelige deıingi salmaqta Erlan Túrkibaı men Dmıtrıı Moroz júldeger atandy. 51 kelige deıingi jeńimpaz – Nursultan Sársenbaev. 55 kelige deıingi salmaqta Nıkıta Shloma, 60 kelige deıingi salmaqta Álkeı Marǵulan, 71 kelige deıingi salmaqta Rasýl Ahmetqalıev úzdik atandy. 110 kelige deıingi salmaqta Ydyrys Birimjanov júldeger boldy.
Eske sala ketsek, 2024 jyldyń 29-30 maýsymynda Esilde erkin kúresten jastar arasynda halyqaralyq týrnır ótti. Jarys fınalısteri sport sheberine úmitker ataǵyn aldy.
