Aqmola oblysynda er adam jumys ornynan 34 mln teńge jymqyrǵan

Arshaly aýdanynda jergilikti JShS-nen 34 mln teńge aqsha jymqyrǵan 33 jastaǵy er adam isti boldy, dep habarlaıdy Kazinform.

Aqmola oblysy PD baspasóz qyzmetiniń málimetinshe, 2023 jyldyń 9 maýsymynda Arshaly aýdandyq polıtsııa bólimine jergilikti JShS biriniń basshysy aryzben júgingen. Er adamnyń sózinshe, ol kásiporynnyń qarjylyq qujattaryn tekserý kezinde 34 mıllıon teńgeniń qoldy bolǵanyn baıqaǵan.

Jedel-izdestirý is-sharalary barysynda kúdikti retinde atalmysh JShS-niń 33 jastaǵy qyzmetkeri anyqtaldy. Kúdikti jalǵan málimetterdi engizý arqyly kásiporynnyń aqshasyn óziniń banktik shotyna aýdarǵan. 

- Osy derek boıynsha Qylmystyq kodekstiń 189-babynyń 4-bóligi «senip tapsyrylǵan bótenniń múligin ıemdený nemese ysyrap etý» boıynsha is qozǵalyp, sotqa deıingi tergeý amaldary qolǵa alyndy. Sot-ekonomıkalyq saraptama júrgizilýde, - dedi vedomstvodan.

Aıta ketsek, budan buryn Aqmola oblysynda bıýdjet qarjysyn jymqyrǵan sybaılastar sottalǵanyn jazǵan edik.