Aqmola oblysynda ekskýrsııalyq avtobýs jol apatyna ushyrady
ASTANA. KAZINFORM — Aldyn ala málimet boıynsha, avtobýs týrısterdi Astanadan Şýchınsk-Býrabaı kýrorttyq aımaǵyna alyp bara jatqan, dep habarlaıdy Kazinform agenttiginiń tilshisi.
Jol-kólik oqıǵasynyń vıdeosy áleýmettik jelilerde jarııalandy.
Aqmola oblysy Polıtsııa departamentiniń baspasóz qyzmetiniń málimetinshe, 14 maýsym kúni saǵat 13:10 shamasynda «Şýchınsk — Býrabaı» avtojolynda jol-kólik oqıǵasy bolǵan.
— Aldyn ala anyqtalǵandaı, Şýchınsk qalasynan Býrabaı baǵytyna qaraı kele jatqan Volvo markaly avtobýstyń júrgizýshisi qolaısyz aýa raıy jaǵdaıyna baılanysty kólikti basqara almaı, qarsy qozǵalys jolaǵyna shyǵyp ketken. Sonyń saldarynan Changan avtokóligimen soqtyǵysqan. Keıin ınertsııalyq qozǵalystyń áserinen avtobýs jol jıegindegi aǵashqa soǵylǵan, — dep málimdedi vedomstvo ókilderi.
Jol apaty saldarynan zardap shekkender bar. Alaıda olardyń naqty sany ázirge naqtylanbady.
Qazirgi ýaqytta polıtsııa qyzmetkerleri oqıǵanyń barlyq mán-jaıyn anyqtap, tekserý jumystaryn júrgizip jatyr.
Aldyn ala málimetterge sáıkes, avtobýs Astanadan shyqqan týrısterdi tasymaldaǵan. Olardyń arasynda balalar bolmaǵan.
Eske sala keteıik, buǵan deıin Qostanaı oblysyndaǵy tasjolda bolǵan jol apatynan eki adamnyń qaza tapqany habarlanǵan edi.
