Aqmola oblysynda eki ushaqtyń apaty: áýe kóligi ıeleriniń jumysy toqtatyldy

ASTANA. KAZINFORM — Kólik mınıstri Nurlan Saýranbaev Astana mańynda bıyl jazda bolǵan eki ushaq apatyn tergeý jumystaryna qatysty pikip aıtty.

Ol ushaq apatynyń árbir oqıǵasy bir jyl ishinde tekseriletinin eske saldy.

— Degenmen, Azamattyq avıatsııa komıteti Avıatsııa ákimshiligimen birlesip tekserý júrgizý týraly jáne tergeý merziminde osyǵan qatysty ushaq ıeleriniń qyzmetin ýaqytsha toqtatý týraly sheshim qabyldady, — dedi Nurlan Saýranbaev Úkimet otyrysynan keıingi baspasóz máslıhatynda.

Eske salsaq, bıyl maýsym aıynda Aqmola oblysynda jeńil motorly ushaq apatqa ushyrap, eki adam mert bolǵan edi. 

Al tamyz aıynda Aqmola oblysynda taǵy bir jeke ushaq apatqa ushyrap, eki adam qaza tapty.