Aqmola oblysynda eki brakoner ustaldy
ASTANA. KAZINFORM — Aqmola oblysynyń Tselınograd aýdanynda brakonerlik faktisi anyqtaldy, dep habarlaıdy Orman sharýashylyǵy jáne janýarlar dúnıesi komıtetiniń baspasóz qyzmeti.
2025 jylǵy 16 aqpan kúni Aqmola oblysy Tselınograd aýdany Qabanbaı batyr aýylynyń mańynda reıdtik is-sharalar barysynda RMKQ «Ohotzooprom ÓB» ınspektorlary zańsyz ańshylyqpen aınalysqan eki er adamdy ustady.
— Tekserý kezinde olardyń ústinen TOZ-34 tegis uńǵyly myltyǵy men oǵan arnalǵan oq-dáriler tabyldy. Olarǵa tıesili «Folksvagen» markaly avtokólikti qaraý barysynda onyń júksalǵyshynan jabaıy qaban men qoıannyń ushalary anyqtaldy. Atalǵan fakti boıynsha Tselınograd aýdandyq polıtsııa basqarmasy QR QK 337-babynyń 1-bóligi («Zańsyz ańshylyq») boıynsha sotqa deıingi tergeý amaldaryn bastaldy, — delingen habarlamada.
Osyǵan deıin Atyraýda mototsıklmen shana súıregen brakonerlerden 530 keli balyq tárkilengeni belgili boldy.