Aqmola oblysynda eki aýyl ishimdikten bas tartty

ASTANA. KAZINFORM – Aqmola oblysynyń Zerendi aýdanynda aýyl turǵyndary alkogolden bas tartyp jatyr. 

Aýyldyq okrýg ákimi Medet Aqmaǵambetovtiń aıtýynsha, eki aýylda turǵyndar algokolden óz erkimen bas tartqan jáne úsh jyldan beri munda birde-bir qylmys, otbasylyq-turmystyq janjal nemese tipti usaq buzaqylyq tirkelgen joq.

Aıta keteıik, okrýgte «Zııaly qaýym» baǵdarlamasyn engizý týraly bastama polıtseılerden kelip tústi jáne ony jergilikti atqarýshy organdar, jurtshylyq jáne azamattardyń ózderi belsendi qoldady. Aqmolalyqtar ózekti máselelerdi birlesip sheshedi, profılaktıkalyq is-sharalar júrgizedi, jastarmen jumys isteıdi.

Zerendi aýdanynyń jergilikti polıtsııa qyzmetiniń bastyǵy Ernar Sadyrbaev búgingi kúni kýrorttyq óńirde 11 aýyl alkogoldi satýdan tolyq bas tartqanyn, biraq basqa eldi mekenderdiń turǵyndary da aktsııaǵa qosylýǵa nıet bildirip otyrǵanyn, sondyqtan polıtseı bolashaqta mundaı aýyldardyń sany edáýir kóp bolatynyna senimdi ekenin atap ótti.

Aıta ketelik Qostanaıda alkogolmen baılanysty qylmystar sany artqany týraly jazǵan edik.