Aqmola oblysynda egin oraǵy kezinde kombaınshy qaza tapty

Aqmola oblysynda egin oraǵy kezinde qaza bolǵan kombaınshy ólimine baılanysty sotqa deıingi qylmystyq is qozǵaldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.

Vedomstvonyń málimetinshe, qaıǵyly jaǵdaı Jarqaıyń aýdany aýmaǵyndaǵy dala qosynda bolǵan.

Belgili bolǵandaı, Qostanaı oblysynyń 58 jastaǵy turǵynyn egin jınaý jumystary kezinde «Enıseı» kombaınynyń jetegindegi beldik orap áketken. Er adam sol jerde kóz jumdy.

- Osy derek boıynsha Qylmystyq kodekstiń 156-babynyń 3-bóligi (adam ólimine ákep soqtyrǵan eńbekti qorǵaý erejelerin buzý) boıynsha sotqa deıingi tergep-tekserý bastaldy. Barlyq qajetti tergeý áreketteri júrgizilgennen keıin túpkilikti protsessýaldyq sheshim qabyldanady, - dep túsindirdi Polıtsııa departamentiniń baspasóz qyzmetinen.

Aıta ketsek, budan buryn Aqmola oblysynda toqqa túsken 56 jastaǵy jumysshy kóz jumǵanyn jazǵan edik.