Aqmola oblysynda dárigerdiń qyzmettik páterin qaıtarýǵa prokýratýra aralasty
ASTANA. KAZINFORM – Stepnogorsk qalasynyń prokýratýrasy medıtsına qyzmetkeriniń turǵyn úıge qatysty quqyǵyn qorǵady.
Aqmola oblysy prokýratýrasy málimetinshe, dáriger 2013 jyly jas maman retinde qyzmettik turǵyn úı alyp, qajetti 10 jyl eńbek ótilin adal atqarǵan. Alaıda qalalyq emhananyń jeke kompanııanyń senimgerlik basqarýyna berilýine baılanysty oǵan páterdi jekeshelendirýden bas tartylǵan.
Prokýratýra júrgizgen tekserý nátıjesinde memlekettik-jekeshelik áriptestik sharty qyzmetkerdiń turǵyn úı quqyqtaryn shektemeıtini jáne jalpy tájirıbelik dárigerdiń zań talaptaryna sáıkes keletini jáne basqa turǵyn úıdiń joqtyǵy anyqtaldy.
Prokýratýranyń aralasýymen zańsyz kedergiler joıylyp, medıtsına qyzmetkeriniń qyzmettik páterdi jekeshelendirýge quqyǵy resmı túrde tanyldy.
Aıta keteıik, Qostanaı prokýratýrasy 13 kásipkerdiń quqyǵyn qorǵady.
Bas prokýratýra Atyraý oblysynda raqymshylyqtyń zańsyz qoldanylǵanyn anyqtady.
