Aqmola oblysynda dala órti ormanǵa tarap ketken
ASTANA. KAZINFORM — 4 qyrkúıekte Qazaqstan boıynsha bir orman órti tirkeldi. Aqmola oblysynda bolǵan dala órti qatty jeldiń áserinen orman qoryna ótip, jedel túrde sóndirildi.
Ekologııa jáne tabıǵı resýrstar mınıstrligi baspasóz qyzmetiniń málimetinshe, tótenshe jaǵdaı «Qazavıaormanqorǵaý» RMQK qyzmetkerleri men memlekettik orman kúzeti mamandarynyń birlesken jumysynyń nátıjesinde qysqa ýaqyt ishinde oqshaýlanyp, tolyq joıyldy.
Qazirgi ýaqytta birqatar óńirde naızaǵaıly fronttardyń saqtalýyna baılanysty órt qaýpi joǵary deńgeıde qalyp otyr. Osyǵan baılanysty orman kúzeti men «Qazavıaormanqorǵaý» kúshteri kúsheıtilgen rejımde jumys istep jatyr.
Óńirlerde áýe jáne jerústi patrýldeý jumystary úzdiksiz júrgizilýde.
Mamandar órt qaýipti kezeńde azamattardy qaýipsizdik talaptaryn qatań saqtaýǵa, tabıǵat aıasynda otty paıdalanǵan kezde barynsha saq bolýǵa shaqyrdy.
Buǵan deıin Astanada jyl basynan beri 529 órt bolǵanyn jazǵanbyz.
