Aqmola oblysynda brýtsellez juqtyrǵandardyń sany kóbeıdi

ASTANA. KAZINFORM — Syrqattanǵandar arasynda 14 jasqa deıingi balalar men jasóspirimder bar.

Aqmola oblysynyń bas memlekettik sanıtarlyq dárigeri Serik Omarhanovtyń aıtýynsha, 2025 jyldyń 12 aıynda oblysta brýtsellez aýrýynyń 15 jaǵdaıy tirkelgen, bul ótken jylmen salystyrǵanda 5 jaǵdaıǵa nemese 33,3 paıyz artyq.

— Syrqat Qosshy qalasynda 14 jasqa deıingi balalar arasynda tirkeldi. Jasóspirimder arasynda Ereımentaý aýdany men Kókshetaý qalasynda da tirkeldi, — dedi Serik Omarhanov.

Naýqastar ınfektsııany jeke sharýashylyqtarda juqtyrǵan. Oblys boıynsha barlyǵy 32 adam anyqtalyp, olardyń barlyǵy brýtsellezge serologııalyq tekserýden ótti. Qosshy qalasy men Ereımentaý aýdanynda baılanysta bolǵan eki adamnyń saraptamasy oń nátıje berip, olarǵa brýtsellez dıagnozy qoıyldy.

Sondaı-aq oblysta 2025 jyldyń 12 aıynda janýarlardyń tisteý faktileriniń kóbeıgeni baıqaldy. 2024 jyldyń sáıkes kezeńimen salystyrǵanda kórsetkish 544 jaǵdaıǵa nemese 21,9% ósken. Byltyr 2481 adam kómekke júgindi. Ótinishterdiń negizgi úlesi Kókshetaý qalasyna tıesili — 24,1%. Oblys ortalyǵy boıynsha jyl ishinde 600 ótinish tirkeldi, onyń ishinde balalar men jasóspirimder arasynda 194 jaǵdaı (32,3%), eresek turǵyndar arasynda — 406 jaǵdaı (67,6%) tirkeldi. 

— Ótinish bildirgenderdiń ishinen 2481 adam ekpe alýǵa jiberildi. Olardyń 2472-i vaktsına qabyldady (99,6%). Shartty kýrsty (belgili janýarlar) 1230 adam nemese 49,6%, shartsyz kýrsty (belgisiz janýarlar) — 1251 adam nemese 50,4% aldy, — dep qosty Serik Omarhanov.

Aıta keteıik, Qyzylordada brýtsellez juqtyrǵan 70-ten astam mal soıyldy.