Aqmola oblysynda birneshe kólik soqtyǵysty

Aqmola oblysynyń «Astana-Petropavl» tas jolynyń 255 shaqyrymynda birneshe kólik soqtyǵysty, zardap shekkender bar, dep habarlaıdy Kazinform. 

Aýmaqtyq PD baspasóz qyzmetiniń málimetinshe, jol-kólik oqıǵasy Býrabaı kýrorty aýmaǵynda jol aqysy tóleıtin termınaldan 10-15 shaqyrymda bolǵan.

Astana baǵytyndaǵy KamAZ júk kóliginiń 31 jastaǵy júrgizýshisi jol-meteorologııalyq jaǵdaıdy eskermeı alda ketip bara jatqan Toyota Camry jeńil kóligine soqtyǵysqan.

«Saldarynan taǵy úsh KamAZ júk kóligi men úsh jeńil kólikke zaqym keldi. Túrli dene jaqaratymen «Avıtsenna-Býrabaı» JShS aýrýhanasyna KamAZ júk kóliginiń júrgizýshisi men jeńil kóliktiń eki jolaýshysy jetkizildi», - dedi vedomstvodan.

Osy rette, tártip saqshylary aqmolalyqtardy jolǵa shyqqanda abaı bolýǵa shaqyrady.

Eske salaıyq, Aqmola oblysynda birneshe kólik soqtyǵysyp, bir adam kóz jumǵan bolatyn.