Aqmola oblysynda birqatar joldardy sý basty
KÓKShETAÝ. KAZINFORM - Aqmola oblysynyń Zerendi aýdanynda birqatar joldardy sý basty. Erigen qar sýynyń tasqyny túsirilgen vıdeolar áleýmettik jelide tarap jatyr.
««Kókshetaý-Atbasar-Aqadyr» jáne Aqadyr-Eskenejal» aýdandyq mańyzy bar avtomobıl joldarynda sý tasqyny bolyp jatyr. Osyǵan baılanysty, atalǵan avtojoldarda kólik qozǵalysyn shekteýdi suraımyz. Sý azaıǵan kezde jol tósemin qalpyna keltirý sharalary qoldanylatyn bolady», - delingen Zerendi aýdany ákimdiginiń jelidegi paraqshasynda.
Sonymen birge, Jamanashy eldi mekeni arqyly ótetin «Kókshetaý-Petropavl» tas jolynda egistikterde erigen qardyń sýy baıqalady. Qazirgi ýaqytta bul aýmaqta úılerdi sý basý qaýpi joq. Sý basý qaýpi týyndaǵan jaǵdaıda Zerendi aýdanynyń dıspetcherlik qyzmetine 21-5-70 telefony arqyly habarlasýǵa bolady.
Aıta ketsek, budan buryn Aqmola oblysynyń birqatar eldi mekeninde sý sorý jumystary júrgizilip jatqanyn jazǵan edik.
