Aqmola oblysynda birqatar kadrlyq aýys-túıis boldy
Aqmola oblysy ákimi Marat Ahmetjanovtyń ókimimen birqatar basqarmalardyń basshylary taǵaıyndaldy, dep habarlaıdy Kazinform.
Oblys ákimi baspasóz qyzmetiniń málimetinshe, óńir basshysynyń ókimimen Erbol Amangeldiuly Ospanov Aqmola oblysynyń kásipkerlik jáne ónerkásip basqarmasynyń basshysy bolyp taǵaıyndaldy.
Erbol Amangeldiuly eńbek jolyn 2011 jyly Aqmola oblysy kásipkerlik jáne ónerkásip basqarmasynyń bas mamany bolyp bastaǵan.
2015-2022 jyldary basshynyń orynbasary sodan keıin Aqmola oblysy kásipkerlik jáne ónerkásip basqarmasynyń basshysy bolyp jumys istedi.
2022 jyldan bastap Aqmola oblysynyń kásipkerlik jáne týrızm basqarmasynyń basshysy qyzmetin atqardy.
Sonymen birge, Almagúl Qaıyrlyqyzy Shúgirmaqova Aqmola oblysy ekonomıka jáne bıýdjettik josparlaý basqarmasynyń basshysy bolyp taǵaıyndaldy. Ol eńbek jolyn 2004 jyly Aqmola oblysynyń ekonomıka jáne shaǵyn bıznesti damytý basqarmasynyń jetekshi mamany bolyp bastaǵan. Taǵaıyndalǵanǵa deıin Aqmola oblysy ekonomıka jáne bıýdjettik josparlaý basqarmasy basshysynyń orynbasary qyzmetin atqardy.
Budan bólek, Andreı Ivanovıch Podgýrskıı Aqmola oblysy týrızm basqarmasynyń basshysy bolyp taǵaıyndaldy. Ol eńbek jolyn «Jastar tańdaýy» qoǵamdyq birlestiginiń úılestirýshisi bolyp bastady. Ár jyldary ártúrli basqarýshylyq laýazymdarda jumys istedi.
Taǵaıyndalǵanǵa deıin Aqmola oblysynyń kásipkerlik jáne týrızm basqarmasy basshysynyń orynbasary bolǵan.
Aıta ketsek, budan buryn jelide turǵyndardy balaǵattaǵan Şýche ákimi qyzmetinen ketkenin jazǵan edik.
