Aqmola oblysynda bir táýlikte 98 gektardan astam aýmaq órtendi
ASTANA. KAZINFORM – Aqmola oblysynda ótken táýlikte qurǵaq shóp órtengen birneshe jaǵdaı tirkeldi. Jalpy tilsiz jaý sharpyǵan aýmaq 98 gektardan asty, dep habarlaıdy oblystyq Tótenshe jaǵdaılar departamenti.
Órt Birjan sal, Jaqsy, Aqkól jáne Egindikól aýdandarynda tirkelgen.
– Barlyq órt oshaǵy sóndirildi. Eldi mekenderge qaýip tóngen joq. Órt sharpyǵan jalpy aýmaq 98 gektardan asty, – dep málimdedi oblystyq TJD.
Vedomstvonyń aldyn ala málimetinshe, órtterdiń shyǵýyna turǵyndardyń otpen abaısyz áreket etýi sebep bolǵan.
– Óńir turǵyndary men qonaqtaryn órt qaýipsizdigi erejelerin saqtaýǵa shaqyramyz, – dep eskertti Aqmola oblysynyń TJD.
Aıta keteıik, Ekologııa mınıstrligi aptap ystyqqa baılanysty elimizde órt qaýpi áli de joǵary ekenin habarlady.
