Aqmola oblysynda borandy kúnde jolda qalǵan jolaýshylar poıyzben tasymaldanatyn boldy

Borandy kúnde jolda qalǵan adamdar poıyzben tasymaldanady, dep habarlaıdy Kazinform «Jolaýshylar tasymaly» AQ baspasóz qyzmetine silteme jasap.

«Kúnniń kúrt buzylýyna baılanysty Aqmola oblysynyń tas jolynda kólik quraldarynyń barlyq túrleri úshin qozǵalysqa tyıym salyndy. Osyǵan baılanysty, «Jolaýshylar tasymaly» AQ-sy jolda qalǵan azamattardy poıyzben tasymaldaý týraly sheshim qabyldady. Máselen, Qaraǵandydan elordaǵa №43 «Almaty-Qostanaı», №53 «Dostyq-Astana», №121 «Semeı–Astana» jáne №45 «Túrkistan–Astana» baǵytyndaǵy poıyzben ketýge bolady», - delingen habarlamada.

Aqparatta aıtylǵandaı, Aqmola oblysy Ereımentaý aýdanynan elordaǵa deıin №7501 «Pavlodar–Astana» qala mańy elektr poıyzyna jolaýshylardy otyrǵyzý qamtamasyz etiledi.

«Jolaýshylarǵa qajetti kómek kórsetilýde. Sondaı-aq poıyz bıletterin bilet.railways.kz saıtynan jáne kassalardan satyp alýǵa bolady. Poıyzdardyń qozǵalys kestesi men basqa da aqparatty «1433» (tegin qońyraý shalý) nómiri, «KTZH_PP_BOT» Telegramm boty, sondaı-aq «Jolaýshylar tasymaly» AQ-nyń @jolaushylar_tasymaly resmı Instagram-akkaýnty arqyly alýǵa bolady», - deıdi vedomstvodan.