Aqmola oblysynda boranda adasyp qalǵan eki jylqyshy Túrgen aýyly mańynan tabyldy

Arshaly aýdanynda boranda adasyp ketken eki jylqyshy aman tabyldy, dep habarlaıdy Kazinform. 

Aqmola oblysy TJD baspasóz qyzmetiniń málimetinshe, 57 jáne 54 jastaǵy eki er adam Túrgen aýyly mańynda joǵalǵan. Olardy Arshaly aýdanynyń jergilikti atqarýshy organdary men azamattyq qorǵaý organdarynyń qyzmetkerleri birlesip, «TREKOL» avtokóligimen izdegen.

«Arada bir jarym saǵat ótken soń jylqyshy Túrgen aýylynan 15 km qashyqtyqtan tabylyp, úılerine jetkizildi. Olar medıtsınalyq kómekti qajet etpedi», - dedi vedomstvodan.

Aıta ketsek, budan buryn Aqmola oblysynda joǵalǵan bir úıir jylqy tabylǵanyn jazǵan edik.