Aqmola oblysynda bıznes úshin elektr energııasyna tarıf tómendedi

KÓKShETAÝ. KAZINFORM – «AÓEK-Energosbyt» JShS QR UEM Tabıǵı monopolııalardy retteý komıtetiniń Aqmola oblysy boıynsha departamentine zańdy tulǵalar úshin elektr energııasyna tarıfti QQS-syz 1 kVt/saǵatyna 42,523 teńgeden 40,560 teńgege deıin ıaǵnı 4,6%-ǵa tómendegeni týraly habarlama berdi.

Tómendetilgen tarıf 2024 jylǵy 1 maýsymnan bastap qoldanysqa engiziledi.

Tarıfti tómendetý QR UEM TMRK aýmaqtyq departamentteri rettelmeıtin energııamen jabdyqtaýshy uıymdardy elektr energııasymen jabdyqtaý jónindegi qyzmetterge lıtsenzııalardyń qoldanylýyn jaqynda toqtatqannan keıin múmkin boldy.

Bul jumys Úkimet Memleket basshysynyń deldal uıymdardy, onyń ishinde tutynýshylardy elektrmen jabdyqtaý tizbegindegi ónimsiz deldaldardy joıý jónindegi tapsyrmasy aıasynda júrgizilgenin esterińizge sala keteıik.

Tarıfti tómendetýdiń alǵysharty tutynýshylardyń (qalanyń zańdy tulǵalary men bıýdjettik uıymdarynyń) rettelmeıtin energııamen jabdyqtaýshy uıymdardan elektr energııasyn kepildi jetkizýshige («AÓEK -Energosbyt» JShS) aýysýy boldy, bul kepildi jetkizýshiniń kórsetiletin qyzmetteriniń kólemin ulǵaıtý jaǵyna, tıisinshe tarıfti tómendetýge áser etti.

Elektr energııasy qyzmetterin úzdiksiz alý úshin buryn rettelmeıtin jetkizýshilerdi paıdalanǵan Aqmola oblysynyń zańdy tulǵalarynyń «AÓEK-Energosbyt» JShS-men jedel túrde tıisti sharttar jasasý múmkindigi bar.

Týyndaǵan suraqtar boıynsha «AÓEK -Energosbyt» JShS-na júginýge bolady.