Aqmola oblysynda bás tikken eki memlekettik qyzmetshi jumystan bosatyldy
ASTANA. KAZINFORM – Esil aýdanynyń prokýratýrasy ınternet arqyly býkmekerlik keńselerde bás tikken eki memlekettik qyzmetshini anyqtady. Prokýrorlyq den qoıý sharalarynyń nátıjesinde eki laýazymdy tulǵa da qyzmetinen bosatyldy.
Aqmola oblystyq prokýratýrasy baspasóz qyzmetiniń habarlaýynsha, bás tikkenderdiń biri — Esil aýdany ákimdiginiń Dene shynyqtyrý jáne sport bóliminiń basshysy, ekinshisi — Turǵyn úı-kommýnaldyq sharýashylyǵy, jolaýshylar kóligi, avtomobıl joldary jáne turǵyn úı ınspektsııasy bóliminiń bas mamany laýazymyn atqarǵan.
Zań buzýshylyq Esil aýdany prokýratýrasynyń memlekettik qyzmetshilerdiń sybaılas jemqorlyqqa qarsy zańnama talaptaryn saqtaýyna júrgizgen taldaýy barysynda belgili boldy.
-Qadaǵalaý organy memlekettik qyzmetshilerge zańda belgilengen shekteýler men tyıymdardy saqtaý qajettigin eskertti. Prokýratýra mundaı árbir faktige aldaǵy ýaqytta da prıntsıpti quqyqtyq baǵa beriletinin málim etti,-delingen habarlamada.
Osyǵan deıin SQO-da qumar oıynǵa salynǵan úsh memqyzmetshi jumystan shyǵarylǵany týraly jazdyq.
