Aqmola oblysynda balyq qyryldy: ekologtar tekserý júrgizip jatyr

KÓKShETAÝ. KAZINFORM – Ekologııa jáne balyq ınspektsııasy departamentiniń ókilderi sý synamasyn aldy. Al jergilikti atqarýshy organdar óli balyqtardy zerthanaǵa tapsyrdy.

Aqmola oblysy Zerendi aýdany Aıdabol aýylynyń mańyndaǵy Jabaı ózeninde balyqtyń jappaı qyrylǵany týraly jergilikti turǵyndar áleýmettik jelilerde habarlady.

— Kýágerlerdiń aıtýynsha, sý birtúrli túske boıalǵan jáne erekshe ıisi bar. Bul úlken alańdaýshylyq týdyrady, - delingen vıdeodaǵy jazbada.

Aqmola oblysynyń Ekologııa departamenti ókilderi balyq ınspektsııasymen birlesip 5 aqpanda ózen aýmaǵyna baryp, sý synamasyn aldy.

— Jergilikti atqarýshy organdar zerthanaǵa berý úshin balyq úlgilerin iriktep aldy. Júrgizilgen taldaý nátıjesi boıynsha tıisti sharalar qabyldanatyn bolady. Sonymen qatar qosymsha aqparat jarııalanady, - dep tolyqtyrdy ekologtar.

Buǵan deıin Shymkenttegi Badam ózeninde balyq qyrylyp jatqanyn jazǵan edik.

Balyqtyń jappaı qyrylýyna hımııalyq quramdaǵy tógindi sýdyń avarııalyq túrde aǵyzylýy sebep bolýy múmkin. Ekologtar oqıǵa ornyna baryp, sý synamalaryn alyp, aldyn ala qorytyndy jasady.