Aqmola oblysynda balanyń bank shoty zańsyz buǵattalǵan
ASTANA. KAZINFORM — Aqmola oblysy Egindikól aýdanynyń prokýratýrasymen kámeletke tolmaǵan balanyń quqyqtary qalpyna keltirildi.
Egindikól aýdanynyń turǵyny aýdan prokýrory Azamat Aıaǵanovtyń jeke qabyldaýyna banktik shottarynyń jeke sot oryndaýshysy tarapynan buǵattalýyna baılanysty júgingen.
Tekserý barysynda qoldanylǵan shekteý sharalary saldarynan onyń kámeletke tolmaǵan qyzynyń da banktik shoty buǵattalǵany anyqtaldy. Sonyń kesirinen bala mektep ashanasyndaǵy tamaqtaný aqysyn tóleı almaǵan.
Prokýratýra jedel shara qabyldap, kámeletke tolmaǵannyń shotyna qoıylǵan shekteýlerdi alyp tastady. Nátıjesinde balanyń buzylǵan quqyqtary qalpyna keltirildi.
Vedomstvo málimetinshe, ótinish berýshi kórsetilgen quqyqtyq kómek úshin oblys prokýrorynyń atyna alǵys hat joldaǵan.
Prokýratýra ókilderi azamattardy jeke qabyldaý olardyń quqyqtaryn qorǵaýdyń tıimdi tetikteriniń biri bolyp qala beretinin atap ótti.
Budan buryn banktegi shot buǵattalǵan kezde ne isteý kerek ekenin jazǵanbyz.
