Aqmola oblysynda balalaryna alıment tólemegen áıel jaýapqa tartyldy
KÓKShETAÝ.KAZINFORM - Aqmola oblysynda alıment tólemegeni úshin boryshker jaýapqa tartyldy.
Oblystyq prokýratýra málimetinshe, 2025 jyly Bulandy aýdany prokýratýrasynyń bastamasymen balalardy asyraýǵa qarajat tóleýden jaltarǵany úshin QK-niń 139-baby boıynsha kámeletke tolmaǵan balalardy asyraýǵa tóleýden jaltarǵan azamatshaǵa qatysty sotqa deıingi tergeý bastaldy.
Aýdan prokýratýrasy boryshkerdiń mindettemelerdi oryndaý boıynsha sharalardy qoldanbaı uzaq ýaqyt boıy áreketsiz bolǵanyn anyqtady.
Nátıjesinde onyń qaryzy 2,2 mln teńgeden asty. Sot úkimimen boryshkerge bir jyl bas bostandyǵyn shekteý taǵaıyndaldy.
- Ata-ananyń kámeletke tolmaǵan balalaryn kútip-baǵýǵa sot sheshimi boıynsha qarajat tóleý jónindegi mindetterin úsh aıdan astam oryndamaǵany úshin eki jylǵa deıingi merzimde bas bostandyǵynan shekteýge nemese sol merzimge bas bostandyǵynan aıyrý túrindegi jazaǵa tartylatyndyǵyn eske salamyz, - delingen habarlamada.
Aıta keteıik, ShQO-da balasyna alıment tólemegen er adam túrmege qamaldy.
Qostanaı oblysynda alıment boıynsha 72 boryshker qylmystyq jaýapkershilikke tartyldy.
Aqmola oblysynda 23 mln teńgeden astam alıment óndirildi.