Aqmola oblysynda balalardyń jazǵy demalysy qalaı uıymdastyrylady
KÓKShETAÝ. KAZINFORM - Bıyl Aqmola oblysynda saýyqtyrýmen jáne demalystyń barlyq túrimen 120 500 bala qamtylady.
Aqmola oblysy bilim basqarmasynyń məlimetinshe, 1 maýsymnan bastap aqmolalyq oqýshylar úshin jazǵy demalys kezeńi bastalady. Osy kezińde qala syrtyndaǵy 20 saýyqtyrý lageri qyzmet kórsetedi. Onyń 13-i memlekettik bolsa, 7-eýi jekemenshik. Bul lagerlerde Aqmola oblysyndaǵy balalardan bólek, Qazaqstannyń barlyq aýmaǵynan oqýshylar kelip demalatyn bolady.
Sý tasqyny saldarynan Atbasar aýdanyndaǵy «Esil» memlekettik lageri zardap shekti, atalǵan lager qalpyna keltirý jumystaryn júrgizý úshin jabyldy. Qalǵan 8 memlekettik lager men 7 jeke lager jazǵy maýsymdardyń ashylýyna daıyndyq ústinde. Buǵan qosa, maýsym aıynda Tselınograd aýdanynyń Qoıandy aýylynda bir maýsymda 350 balany qabyldaıtyn «Astana kemp» jańa jekemenshik lagerin ashý josparlanǵan.
«Kúni buryn ekshelip, aýdandyq, qalalyq bilim bólimderiniń jasaǵan josparlaryna sáıkes, balalardyń jazǵy demalysy kezinde saýyqtyrýmen jáne demalystyń barlyq túrimen 120 500 bala qamtylatyn bolady. Al, eńbekke baýlý isimen 35 myń oqýshy qamtylmaq. Al qala syrtyndaǵy jazǵy lagerlerde demalyspen shamamen 14 500 bala qamtylady. Qala syrtyndaǵy lagerlerge qosymsha 488 mektep bazasynda shamamen 76 myń balanyń qatysýymen tamaqtanatyn jáne tamaqtanbaıtyn mektep janyndaǵy alańdar jumys isteıdi. Jaz boıy 7 myńǵa jýyq balanyń qatysýymen jazǵy demalystyń (shatyr, kıiz úı, arheologııalyq lagerler) 49 az shyǵyndy nysany ashylady», - deıdi vedomstvodan.
Sonymen qatar, kópbalaly jáne turmysy tómen otbasylardaǵy, jetimder men ata-anasynyń qamqorlyǵynsyz qalǵandar, jasóspirimder isi boıynsha bólimshe men mektepishilik esepte turǵan balalar da nazardan tys qalmaıdy. Táýekel tobyndaǵy 18 868 myń bala birinshi kezekte demalyspen jáne saýyqtyrýmen qamtylmady.
Buǵan qosa, jaz maýsymynda Aqmola oblysynyń mektep oqýshylary respýblıkalyq maqsattaǵy lagerlerde saýyǵatyn bolady.
Aıta ketsek, budan buryn Aqmola oblysynda 242 túlek «Altyn belgige» úmitker ekendigin jazǵan edik.
