Aqmola oblysynda balabaqshadan 40-qa jýyq búldirshin evakýatsııalandy

ASTANA. KAZINFORM — Búgin 112 qyzmetine Aqmola oblysyndaǵy jeke balabaqshada tútin shyqqany týraly habarlama kelip tústi, dep habarlaıdy TJM baspasóz qyzmeti.

TJD bólimsheleri kelgen kezde balabaqshanyń jertólesindegi elektr jabdyǵynyń qysqa tuıyqtalýy anyqtaldy. 

— Qaýipsizdik maqsatynda qutqarýshylar 49 adamdy, onyń ishinde 39 balany evakýatsııalady. Zardap shekkender joq. Oqıǵanyń sebebi anyqtalyp jatyr, — delingen habarlamada.

Budan buryn Pavlodarda bir top búldirshin balabaqshada ushynyp, aýrýhanaǵa túskenin jazǵanbyz.

Keıinnen balalar tamaqtan ushynǵan balabaqshanyń birneshe qyzmetkeri jumystan shettetilgeni belgili boldy.