Aqmola oblysynda balabaqshada júrgen qyz bala kóz jumdy

KÓKShETAÝ. KAZINFORM – Aqmola oblysynyń Býrabaı aýdanynda balabaqsha tárbıelenýshisi kenetten qaıtys boldy. 

Aqmola oblysy PD baspasóz qyzmetiniń habarlaýynsha, keleńsiz jaǵdaı búgin, mamyrdyń 6-sy kúni bolǵan.

«Býrabaı aýdanyndaǵy balabaqshalardyń birinde jas balanyń qaıtys bolý deregi boıynsha qylmystyq is qozǵaldy. Qazirgi ýaqytta sot-medıtsınalyq saraptama taǵaıyndalyp, oqıǵanyń mán-jaıy anyqtalýda», - dep túsindirdi Aqmola oblysy PD baspasóz qyzmetinen.

Aqmola oblysy Densaýlyq saqtaý basqarmasynyń málimetinshe, 6 jasar qyz balanyń ólimi 2024 jyldyń 6-mamyrynda saǵat 13:30-da Zelenyı bor kentindegi «Romashka» balabaqshasynda tirkelgen.

«Tynyǵý ýaqytynda tárbıeshi balanyń terisi kógere bastaǵanyn baıqaǵan. Ol dereý balabaqsha medbıkesin, artynsha, jedel medıtsınalyq kómekti shaqyrǵan. Jedel járdem brıgadasy jetkenshe medbıke reanımatsııalyq kómek kórsetti. Ol sátsiz boldy. Jedel járdem brıgadasy kelgen soń balanyń bıologııalyq ólimin tirkedi», - dedi vedomstvodan.

Eske salaıyq, Býrabaıda velosıpedpen aǵashqa soǵylǵan týrıst bala kóz jumdy.