Aqmola oblysynda áıel jeti aılyq sábıimen terezeden qulap ketti
ASTANA. KAZINFORM — Anasy da, sábıi de alǵan jaraqattarynan oqıǵa ornynda kóz jumdy, dep habarlaıdy Kazinform agenttiginiń tilshisi.
Qaıǵyly oqıǵa Stepnogorsk qalasyndaǵy kópqabatty úılerdiń birinde boldy. Týystarynyń úıinde bolǵan áıel jetinshi qabattaǵy terezeden jeti aılyq qyzymen birge qulap ketken. Alǵan jaraqattarynan, ekeýi de oqıǵa ornynda kóz jumdy.
— Stepnogorsk qalasynda týystarynyń páteriniń terezesinen áıel men onyń kishkentaı qyzynyń qulaý faktisi boıynsha sotqa deıingi tergeý bastaldy. Oqıǵanyń barlyq mán-jaıyn anyqtaýǵa baǵyttalǵan qajetti sharalar júrgizilip jatyr. QPK-niń 201-babyna sáıkes ózge aqparat jarııa etýge jatpaıdy, — dep málimdedi Aqmola oblystyq polıtsııa departamentiniń baspasóz qyzmeti.
Buǵan deıin Pavlodarda anasymen terezeden laqtyrylyp ketken balanyń aýrýhanadan shyǵarylǵany habarlanǵan bolatyn.